Италијанката Карини доби тежок удар од биолошки докажан маж и ја прекина борбата (Видео)

Бокс турнирите во женска конкуренција предизвикаа многу контроверзи на Олимписките игри, а најбруталната сцена пристигна од борбата меѓу италијанската боксерка Анџела Карини и Алжирката Иман Келиф.

Италијанската претставничка уште во најавите за борбата обвини за нееднаквост бидејќи Келиф всушност е докажан билошки маж, па откако доби тежок удар во носот, реши експресно да ја прекине борбата.

Иман Келиф беше дисквалификувана од Светското првенство минатата година од меѓународната боксерска Федерација поради тоа што не го минала тестот за препознавање на полот, но дури и по овој голем скандал, доби дозвола од ИОК да се натпреварува во Париз.

Покрај Келиф, сомнителен е и полот на Јутинг Лин од Тајван, па нивните настапи дефинитивно предизвикуваат голема контроверза, но и бес кај фановите кои сметаат дека на овој начин се нарушува препознатливиот олимписки дух.

Карини ја предаде денешната борба по 45 секунди и се расплака на средина на рингот, а воедно не ни подаде рака на „ривалката“ од Алжир.

– Никогаш не сум била удрена толку силно во мојот живот, – кратко изјавила расплаканата Карини пред италијанските новинари.