Италијанецот кој се жалеше за условите на Олимписките игри реши да спие на отворено во Париз (Фото)

Сместувањето во олимписките села секогаш предизвикува големи реакции меѓу елитните спортисти кои гордо ги бранат боите на своите земји, па така и оваа година имаше доста негативни коментари за условите кои ги обезбеди домаќинот.

Франција како организатор не успеа да обезбеди клима уреди во добар дел од малите вили кои се дел од олимпиското село, а тоа направи да видиме една ситуација која стана вирална на социјалните мрежи.

Томас Чекон освои златен медал во Париз на 100 метри грбно во поединечна конкуренција, но откако го направи тоа, нагласи дека успехот е уште поголем поради тоа шт до истиот стигнал без да има добар сон.

– Навистина не можам да спијам во олимпиското село. Има премногу топлина, не можам да спијам ни преку ден, ниту навечер. Нема клима уреди во вилите и нависитна имам проблем да склопам око. Покрај тоа, јадењето кое го даваат е доста лош, голем дел спортисти одат во локални ресторани за да се најадат, – изјави Чекон, кој сега беше уловен во една несекојдневна ситуација.

Лут на лошите услови кои ги има во Париз, Чекон одлучил да има една попладневна дремка на отворено, па решил да одмори во еден од парковите во близина на олимпиското село во Париз.

Italian gold medal-winning swimmer Thomas Ceccon sleeping next to park bench. He complained about the lack of A/C and noise inside the athletes village. pic.twitter.com/xQADZ37T4h

— SAINT (@saint) August 4, 2024