Италијанците ќе го казнат судијата кој не му покажа два жолти картони на Лукаку

Италијанската судиска асоцијација утврдила дека судијата Давиде Маса направил две посериозни грешки на дербито меѓу Наполи и Рома, а последица на истите е што Ромелу Лукаку не доби исклучување.

Гостинскиот тренер Клаудио Раниери по натпреварот се пожали дека Белгиецот бил помилуван од Маса и требало да го заврши натпреварот уште пред да го постигне голот за победа во вториот дел.

Одговорните за анализа на судењето утврдиле дека во првата ситуација Лукаку дефинитивно требало да пожолти, а Маса требало да покаже картон и по стартот на Белгиецот над Миле Свилар.

Маса сега нема да биде делегиран за претстојното коло во Серија А, односно ќе го пропушти наредниот викенд, но јасно е дека бргу ќе се врати на терените.

Brutta entrata di Lukaku su Celik meritevole almeno del Giallo da:nicolamelis66 pic.twitter.com/EzpaImH9Nq

— marco centoni (@marcocento83761) November 25, 2024