Италијанците го испратија Калафиори за Северен Лондон по бизарниот инцидент на „Паркот на принцовите“ (Видео)

Рикардо Калафиори беше неизвесен за настап против Израел и во изминативе 48 часа беше мониториран од италијанските лекари, кои на крајот одлучиле дека дефанзивецот сепак не е доволно подготовен за настап во второто коло во Лигата на нации.

Големото летно засилување на Арсенал ова попладне е испратено за Северен Лондон каде медицинскиот тим на Арсенал ќе мора да направи нови тестови, по кои најдобро ќе се знае од каков тип е повредата, и колку Калафиори ќе мора да паузира.

Одбранбениот играч се повреди на „Паркот на принцовите“ по еден бизарен и чуден инцидент во кој учествуваа уште двајца фудбалери, но иако беше најмалку виновен, Рикардо го извлече најдебелиот крај.

Бастони го „собра“ Дембеле и Французинот слета на нозете на Калафиори по стартот од италијанскиот стопер, па сето ова заврши со повреда на Рикардо за која дополнително ќе се утврди карактерот.

Покрај Калафиори, италијанската Федерација откри дека поради мала повреда за мечот со Израел отпаѓа и Лоренцо Пелегрини.

Riccardo Calafiori hurt in bizarre incident with Ousmane Dembele.#Azzurri #FRAITA #Arsenal #Calafiori pic.twitter.com/IVtsI6UusD

— Football Italia (@footballitalia) September 6, 2024