Поврзете се со нас

Одбојка

Италија е нов светски одбојкарски шампион

Објавено

на

Фото: volleyballworld.com

Италија ја победи Полска во големото мундијалско финале во Катовице и стана нов светски одбојкарски шампион во машка конкуренција.

Стартот најави поинаков расплет, бидејќи Полска поведе со 1:0 во сетови, а водеше и со 3:0 во вториот сет, но Италијанците се разбудија навреме и не само што ја вратија неизвесноста во сетот, туку и го добија со 25:21.

Во продолжение следуваше целосен пресврт, во кој „азурите“ ги добија третиот и четвртиот сет со 25:18 и 25:20 за конечни 3:1 во големото финале на СП кое финишираше во Полска.

Левија со 19 поени бил предводник на новиот светски првак, додека Шливка освоил 12 поени за Полска во за него и соиграчите, загубеното големо финале.

Италијанците на најдобар начин го затворија спортскиот ден, откако претходно нивната кошаркарска репрезентација направи големо изненадување на ЕП, совладувајќи го првиот фаворит Србија во осминафиналето.

Реклама
Реклама
Реклама

Популарни