Поврзете се со нас

Велосипедизам

Историски пресврт на Тур де Франс: Погачар му ја „украде“ титулата на Роглич во завршниот чин (Видео)

Објавено

на

blank

Претпоследната етапа на овогодинешното издание на Тур Де Франс ни го донесе најголемото возбудување, бидејќи медиумите кои редовно ги следат случувањата во велосипедизмот пишуваат за еден од најголемите и најепски пресврти во историјата.

Денешниот хронометар во должина од 36 километри се очекуваше да биде рутинска должност за Примож Роглич, но наместо тоа, истиот се претвори во вистински кошмар за искусниот Словенец. Во пресрет на денешната етапа, Погачар имаше предност од 57 секунди во однос на Тадеј Погачар, но тоа на крајот се покажа како премалку со оглед на херојското издание на помладиот Словенец.

Погачар беше неверојатно брз на делницата од 36 километри, па откако беше побрз од Роглич точно 1 минута и 56 секунди, успеа да направи сензационален пресврт и да стигне до титулата на најпрестижната велосипедска трка во светот.

Како што можеше да се очекува, емоциите кај двајцата Словенци беа различни по крајот на трката, но мора да се поздрави потегот на Роглич кој и покрај очајот, отиде да му честита на својот сонародник.

Утре на програмата е последната етапа и финишот во Елисејските полиња, а бидејќи нема простор за никакво изненадување, јасно е дека Погачар на луд и драматичен начин стигна до своето прво славје на Тур де Франс.

Реклама
Реклама
Реклама

Популарни