Историја во Амстердам: Ајакс и Панатинаикос изведоа 34 пенали, херој е 40-годишен голман! (Видео)

Натпреварот од третото квалификациско коло во Лигата на Европа меѓу Ајакс и Панатинаикос вечно ќе остане во сеќавање на неутралните фудбалски фанови кои го следеа преку ТВ пренос, но уште повеќе на оние кои беа приутни на стадионот во Амстердам.

Ајакс го почна реваншот со минимална предност од 1:0 која ја стекна на гостувањето во Грција, но Панатинаикос успеа да постигне гол на „Јохан Кројф арена“ и го однесе двомечот во продолженија.

Бидејќи во дополнителните 30 минути игра немаше гол, на крајот патникот во бараж финалето го дознавме по пенал рулетот, а истиот беше иториски и траеше неверојатни 25 минути.

Најдолгиот пенал рулет во историјата на УЕФА натпреварувањата понуди 34 удари од белата точка, по кои Ајакс беше тимот кој се пласираше во плејофот преку кој ќе брка влез во групната фаза.

Играчите на Ајакс пропуштија неколку шанси порано да ја решат неизвесноста, но катастрофалните удари од 11 метри направија во херој да прерасне Ремко Пасвир.

40-годишниот голман на Ајакс одбрани пет пенали, а притоа и постигна гол во лудиот пенал рулет кој долго ќе се прераскажува во Европа.

Ajax knocked Panathinaikos out of Champions League qualifying after a shootout that took 𝐓𝐇𝐈𝐑𝐓𝐘-𝐅𝐎𝐔𝐑 penalties 😱

Ajax: ✅✅✅✅🚫✅🚫🚫✅✅✅✅✅✅✅🚫✅

Panathinaikos: 🚫✅✅✅✅✅🚫🚫✅✅✅✅✅✅✅🚫🚫 pic.twitter.com/TcQYHQDRbF

— B/R Football (@brfootball) August 15, 2024