Исправена неправда: Јунајтед ја доби жалбата за Бруно (Фото)

Манчестер Јунајтед имаше хорор издание против Тотенхем и загуби со 0:3, но уште полошо за Ерик Тен Хаг беше тоа што остана без својот капитен.

Бруно Фернандеш заработи директен црвен картон пред крајот на првиот дел поради старт на Џејмс Мадисон, па иако повторената снимка покажа дека прекршокот не е толку сериозен, главниот судија не ја менуваше одлуката.

Јунајтед имаше уште потешка задача да се надигрува со играч помалку, но ако е некаква утеха за „ѓаволите“, денеска дисциплинците признаа дека главниот судија Крис Каван и луѓето во ВАР собата направиле грешка.

Во прв момент, Бруно не требаше да биде достапен на следните три меча во Премиер лигата, но по повлечениот црвен картон од страна на Премиер лигата, Португалецот ќе биде во комбинација за настап уште против Астон Вила.

– Бруно Фернандеш ќе биде достапен за Манчестер Јунајтед за следните три меча во Премиер лигата, откако е прифатена неговата жалба за погрешно исклучување.

– Играчот за врска беше исклучен поради сериозен прекршок на премиерлигашкиот натпревар против Тотенхем во неделата на 29-ти септември, – гласи објавата на Фудбалската асоцијација на Англија.

A decision has been made on @B_Fernandes8's ban, following an appeal.#MUFC || #PL

— Manchester United (@ManUtd) October 1, 2024