Иснер: Дали Ѓоковиќ има уште еден трик во ракавот…

Новак Ѓоковиќ ги немаше посакуваните успеси и резултати во 2024 година, па тениската јавност со нетрпение очекува да види што Србинот може да донесе во 2025 и дали е поблиску до пензија или до потврда на тоа дека и на овие години може да биде најдобар на светот.

Џон Иснер имаше доста соочувањата со Ѓоковиќ, успеа и двапати да го добие, но и тој нема јасна слика за тоа што големиот грен слем шампион може да направи во престојнава сезона.

-Навистина сакам да видам дали Новак Ѓоковиќ може да освои уште еден грен слем. Ако има уште еден трик во ракавот, ќе видиме дали ќе успее. Очигледно е мотивиран, -вели Американецот кој се надева дека успеси на најголемата сцена ќе имаат неговите сонародници/сонароднички.

-Би сакал да видам дали Американец може да освои грен слем, во машка или женска конкуренција, -истакна Џон.