Исландски парламентарец побара да се симне данската круна од зградата на Парламентот

Данска долг период имаше и убедлива предност против Франција, но на крајот загуби во дербито на ракометното Европско првенство одиграно вчера.

Победата на Франција значеше пласман во полуфиналето за избраниците на Гијом Жил, но и елиминација на Исланд од завршната фаза, па оваа селекција сега ќе може да се бори само за петтото место.

Исландските медиуми и фановите се незадоволни од играта на данската селекција во последните десет минути, а парламентарецот Бјорн Леви Гунарсон отиде најдалеку и побара елиминација на данската круна од зградата на Парламентот.

Круната на поранешниот дански крал Кристјан IX се наоѓа на врвот на историската зграда на Парламентот, а Гунарсон вели дека е крајно време да биде дислоцирана.

Гунарсон вели дека идејата не му е од вчера, туку одамна размислувал на оваа тема, а поразот на Данска од Франција бил само кулминација за барањето да го испрати до надлежните институции.

Предлогот привлекол сериозно внимание меѓу Исланѓаните, па станал и вирален во текот на вечерта во која фановите беа фрустрирани од поразот на Данска.

#emruv pic.twitter.com/i7mO5JFC3f

— Bjorn Levi (@_bjornlevi_) January 26, 2022