Исланд ја заврши својата работа против Црна Гора, ќе го чека епилогот на големото дерби

Исланд доминираше на дуелот со Црна Гора (34:24) и заслужено стигна до убедлива победа, со што останува во игра за место кое води во полуфиналето на Европското првенство.

Големиот број проблеми за исландскиот состав предизвикани од ковид-19 не беа доволни за евентуално изненадување од црногорскиот состав, па „рибарите“ сега ќе го очекуваат епилогот од дербито меѓу Данска и Франција.

Магнусон со 11 и Елисон со 8 голови беа најефикасни во победничката екипа, додека на спротивната страна Милош Вујовиќ стигна до 11 погодоци и беше најдобар поединец во црногорската репрезентација.

Исланд има три победи во втората фаза, но за пласман во полуфиналето му е потребна победа на Данска над Франција.

Дербито се игра вечерва од 20:30 часот, додека од 18 часот Хрватска ќе и се спротивстави на Холандија.