Иско излезе со вирална изјава за Антони по неверојатната серија на Бетис: На потег се фановите (Видео)

Бетис продолжи со импресивните изданија во последно време и вчеравечер го доби дербито со омразениот ривал Севилја, натпревар на кој тимот на Пелегрини успеа да направи пресврт уште во раната фаза.

Домашниот тим успеа да слави со 2:1 и стигна до шести триумф во низа во домашното првенство, серија која прави зелено-белите да бидат на делба на петтата позиција, сонувајќи за настап во Лигата на шампиони.

Брилијантната форма од февруари месец се должи и на пристигнувањето на Антони како големо засилување од Манчестер Јунајтед, а тоа го призна и Иско Аларкон кој сега побара од сите навивачи на Бетис да почнат со собирање пари за негово останување.

– Оваа победа е посебно слатка поради ривалот и околностите, а истовремено ни овозможува да продолжиме со сонување. Израмнети сме со Вилјареал на петтото место и влегуваме со голем мотив во финишот од сезоната.

– Антони? Мора да почнеме да собираме пари од фановите за да остане најмалку уште една година. Почувствуваме огромна промена откако дојде во тимот, тој ни донесе навистина многу во краток временски интервал, – посочи Иско.

🗣️ “Tenemos que hacer un crowdfunding de esos”

¿Fichar a Antony? @RealBetis, @isco_alarcon ya tiene la solución 🤣#ElPost ⚽️ pic.twitter.com/eQIysK6PdN

— DAZN Fútbol (@DAZNFutbol) March 30, 2025