Иско човек на одлука, Реал падна на „Бенито Вилјамарин“ (ВИДЕО)

Екипата на Реал Мадрид претрпе пораз од Бетис од 2-1 на вечерашното гостување на „Бенито Вилјамарин“ во рамките на 26.коло во Примера.

„Кралевите“ со ова пропуштија можност да ја преземат лидерската позиција барем до утре, односно сега и остави можност на Барселона да се стекне со предност од плус три, а Атлетико Мадрид да ги мине на табелата.

Првакот имаше добар почеток на средбата во Севилја и поведе преку Дијаз во 10 минута. Оваа предност беше активна до 34 минута кога по корнерот што го извесе Иско, погоди Кардосо за 1-1.

Домаќините во 54 минута се изборија за пенал, а сигурен реализатор на најсторгата казна беше Иско, некогашниот играч на клубот од шпанската престолнина.

Реал во следното коло е домаќин на Рајо Валјекано, Бетис ќе го пречека Лас Палмас и ќе има можност да ја продолжи одличната серија на резултати.

ОВДЕ погледнете ги головите.