Исклучувањето на Рајс го пресече Арсенал, „топчиите“ освоија само бод против Брајтон

Исклучувањето на Деклан Рајс на почетокот на вториот дел направи голема разлика на дуелот меѓу Арсенал и Брајтон, кој на крајот заврши со резултат 1:1.

„Топчиите“ водеа на полувреме со голот на Каи Хаверц, но откако не успеа да го зголеми водството, во 49. минута се случи кобниот момент за домаќините, во кој Деклан Рајс доби втор жолт картон и исклучување.

Рајс доби бизарен црвен картон, одлуката ги подели фановите (Видео)

Брајтон набргу израмни со голот на Жоао Педро, а до крајот на средбата почесто ја имаше топката и најчесто притискаше пред голот на Раја.

Арсенал имаше можност да поведе, најдобрите шанси не ги реализираа Хаверц и Сака, а во завршницата повеќе внимаваше да не остане и без бод на дуелот со Брајтон.

По три рунди, двете екипи имаат 7 бодови и ова им беше прво реми по стартните две победи.