Исак продолжи да стрела, Њукасл го реши Јунајтед на „Олд Трафорд“ (ВИДЕО)

Екипата на Њукасл лесно се справи со Манчестер Јунајтед и славеше со 2-0 во последниот натпревар за оваа календарска година во Премиер лигата.

Избраниците на Хау потврдија дека се во добра форма, ги искористија сите слабости на домаќинот и по 11 години му донесоа премиерлигашка победа на Њукасл на „Олд Трафорд“. Гостите од „Сент Џејмс Парк“ имаа фуриозни 19 минути во кои двапати го матираа противникот што се покажа како повеќе од доволно за освојување на трите бода и чеврто славје во низа во најсилниот англиски шампионат.

Одличниот Исак на шести меч во серија во ПЛ се запиша во листата на стрелци и тоа во 4 минута, додека пак во 19 Жоелинтон ја зголеми предноста.

Исак потоа даде и втор гол, ама беше поништен поради офсајд.

Домаќините најблиски до погодок беа во вториот дел кога дефанзивецот Мегваер ја погоди рамката стативата на Дубравка.

Со 32 поени составот на Њукасл е на 5. место на табелата, „црвеноте ѓаволи“ со 22 се дури на 14 позиција.