Ирвинг за соочувањето со Дончиќ: Беше непријатно како…

Лос Анџелес Лејкерс ја доби првата битка со Далас Маверикс (107:99) по големиот трејд во кој беа разменети две големи имиња, твезди и тоа Лука Дончиќ и Ентони Дејвис.

Дејвис поради повреда не беше активен против „езерџиите“, ама затоа пак играше Дончиќ кој против „својот“ Далас испорача трипл-дабл од 19 поени, 15 скока и 12 асистенции.

Кај поразените во прв план беше Кајри Ирвинг со 35 поени, 7 скока и 4 асистенции, па токму плејмејкерот кој има добар однос со Словенецот истакна како било да се игра против довчерашниот соиграч.

-Непријатно како гомно. Беше непријатно. Во исто време беше и забавно. Добивме шанса да се чувствуваме како одново да сме на тренинг и се надигруваме. Гледајќи го како ги погодува тешки шутеви што сум го видел да ги прави илјадници пати, тоа е она што веројатно го направи уште понезгодно, -истакна Ирвинг.