Интересен предизвик за Холанѓанецот: Депај позираше со дресот на новата екипа (ФОТО)

Мемфис Депај конечно го реши клупското прашање и за првпат во неговата кариера ќе игра надвор од Европа.

Тој изминатите три години ги мина во Шпанија настапувајќи за Барселона и Атлетико Мадрид, но по истекот на договорот со „душекџиите“ како слободен агент можеше да ја избере новата средина.

Интерес за него пројавија повеќе клубот, меѓутоа до конечен договор не дојде за да на крајот му се отвори можност за преселба во Бразил, понуда која ја прифати и во иднина ќе биде дел од Коринтијанс.

Се работи за славен бразилски клуб, клуб со многу титули во својата земја, јужноамериканскиот континент, тим кој двапати беше и светски клупски шампион.

Мемфис треба да остане во Коринтијанс најмалку до 31 декември 2026 година.