Поврзете се со нас

Германија

Интересен избор: Новиот тренер на Баерн може да дојде од Холандија

Објавено

на

foto:twitter.com/FCBayernEN

Томас Тухел пред некое време се договори со управата на Баерн Минхен за разделба по крајот на оваа сезона, но таа разделба според германските медиуми може да се случи и порано ако најдобриот германски клуб биде елиминиран од Лацио во Лигата на шампионите.

„Билд“ и „Кикер“: Баерн донесе конечна одлука за Тухел пред клучниот меч со Лацио

Калчолигашот славеше во првиот дуел во Рим, реваншот е утре на „Алијанц Арена“ и ако фаворитот се лизне и остане без пласман во четвртфиналето тоа може да биде и крај за Тухел во Минхен.

Ова дефинитивно може дополнително да забрза некои процеси во Баерн, па како можно опција за тренер е Арне Слот. Холанѓанецот играше убав фудбал со Аз Алкмар од каде во 2021 година пристигна во Феенорд по што минатата сезона му ја донесе лигашката титула, а година претходно ги одведе и во финалето на Конференциската лига каде титулата на крајот ја грабна Рома.

-Баерн во моментов размислува за изненадувачка алтернатива – тренерот на Феенорд, кој е прогласен за најдобар тренер во Холандија во последните две години. Тој сака висок пресинг, исклучително брза транзиција и атрактивен фудбал. Холанѓанецот би можел да биде најсериозната опција доколку пропаднат преговорите со Чаби Алонсо, -велат германските медиуми.

Реклама
Реклама
Реклама

Популарни