Интер тргна моќно, па остана без посакуваниот резултат на „Џузепе Меаца“ (ВИДЕО)

Составот на Интер не успеа да го потврди статусот на фаворит во денешното соочување со Болоња во Серија А.

Избраниците на Симоне Инѕаги имаа моќно и совршено отварање на средбата на „Џузепе Меаца“ каде по 13 минути игра водеа со 2-0 со голови на дефанизвецот Ачерби и капитенот Мартинез.

Многумина по ова помислија дека Интер ќе дојде до рутински триумф, ама тоа сценариот не се реализираше. Гостите се вратија во игра во 19 минута со голот кој Орсолини го постигна од пенал.

Потоа Ди Марко имаше две шанси во кои Скорупски излезе како победник и со тоа ја остави Болоња во игра. Во вториот дел Зиркзе го матираше Зомер за 2-2 по што Интер не успеа да дојде до трет гол и да ги освои трите бода.

CHE GOL DI JOSHUA ZIRKZEE 🇳🇱🇳🇬(2001)!
📽️ @FootColicpic.twitter.com/c3Wj8HVPgz

— Football Report (@FootballReprt) October 7, 2023

Ова за „нероаѕурите“ беше прво реми во сезоната со кое можат да го загубат врвот на табелата ако Милан вечерва слави над Џенова.