Интер со „тројка“ до нов триумф во Серија А (ВИДЕО)

Екипата на Интер оствари победа над Парма од 3-1 во средбата со која се отвори 15. коло во првата италијанска лига.

Домашниот состав важеше за апсолутен фаворит и тоа го потврди на теренот на „Џузепе Меаца“ каде дојде до деветтото славје во шампионатот.

„Нероаѕурите“ ги постигнаа сите погодоци на ова соочување со тоа што еден од нив беше и во својата мрежа преку Дармијан во 81 минута кога беше јасно каде ќе завршат бодовите.

Првиот гол на средбата беше дело на Димарко во 40 минута на асистенција Мхтитарјан. Ерменецот беше асистент и на вториот гол дело на Барела во 56 минута, додека во 67 минута реализираше и францускиот репрезентативец Турам.

Со 31 бод четата на Инѕаги се израмни со Аталанта која вечерва го игра дербито со Милан.