Интер со официјален став и предупредување: Вистина е дека Барса не контактираше за Лаутаро, тој ќе си оди само во еден случај!

Според најавите на шпанските и италијанските медиуми, Барселона веќе има постигнато вербален договор со Лаутаро Мартинез, но сега претстои најтешкиот и најкомплексен дел, односно преговарањето со Интер кој сигурно не сака да ја загуби својата голема ѕвезда.

Лионел Меси веќе во неколку наврати даде зелено светло за ангажман на неговиот сонародник и „индиректно“ испрати одреден притисок до управата на Барселона да донесе квалитетно засилување во нападот, а иако операцијата е комплицирана сама по себе, се чини дека работите ќе бидат уште посложени поради кризата која настана со коронавирусот.

Дефинитивно, сите се сложни дека Лаутаро нема да и каже „НЕ“ на Барселона, но сега Интер се истакнува како тежок преговарач, па дури и испрати предупредување до каталонскиот гигант.

– Ако Барселона го сака Лаутаро, тогаш ќе мора да ја исплати неговата откупна клаузула, – изјави Пјеро Аусилио, спортскиот директор на Интер за „Скај Италија“.

Откупната клаузула на Мартинез изнесува 111 милиони евра и според зборовите на директорот, Интер е подготвен да се откаже само за таа сума.

– Лаутаро не е на продажба. Вистина е, Барселона не контактираше и имаме добар однос, но веќе им порачавме дека нема да им го продадеме. Има само еден начин да се оттргне Лаутаро од Интер, а тоа е исплаќање на клаузулата, – нагласи Аусилио.