Интер се спасуваше од пораз на „Бриантео“, Наполи е нов лидер во Серија А (Видео)

Интер имаше добра шанса да се врати на првото место на табелата со трета победа во четвртото коло, но наместо тоа, италијанскиот првак се спасуваше од пораз на „Бриантео“.

Монца се покажа како исклучително незгоден ривал во текот на цел меч и тимот кој го состави Адријано Галијани му создаде огромни проблеми на националниот првак, кој на крајот може и да биде задоволен што се врати во самата завршница.

За главните возбудувања се чекаше до последните 10 минути од мечот, кога најпрво Дани Мота погоди за 1:0, за Интер да возврати преку Дамфрис во 88-та минута.

Центаршутот на Карлос Аугусто заврши на вистинско место и Холанѓанецот немаше проблеми да погоди за 1:1, откако претходно Мота изведе навистина извонреден удар со глава во 81-та минута.

На крајот, двете екипи мораа да се задоволат со реми, по кое најзадоволни се во редовите на Наполи, тим кој е нов лидер во Серија А по четири комплетирани рунди.

Видеото погледнете го ТУКА