Поврзете се со нас

Италија

Интер се распрашува за играч на Арсенал

Објавено

на

Од таборот на Интер ќе бидат активни во летниот преоден рок со цел да го засилат тимот кој предводен од Антонио Конте треба да биде конкурентен на Јувентус и Лацио и следната сезона во битката за титулата во Серија А.

Интер веќе се поврзува со ангажман на неколку фудбалери, пред се офанзивци, кои би дошле како замена за Лаутаро Мартинез кој веројатно ќе си оди од клубот.

Сега, англискиот „Дејли Мирор“ пишува дека италијанскиот клуб му „фрлил око“ на играчот на Арсенал, Ектор Белерин.

25 годишниот шпански интернационалец наводно изразил подготвеност да си оди од Арсенал и да се пресели во тим кој ќе се бори за освојување на трофеи.

Белерин има договор со „топчиите“ до 2023 година, а во клубот е уште од 2011 година кога дојде од таборот на Барселона.

И шпанскиот гигант одреден период се интересираше за играчот, меѓутоа сега се верува дека Интер во моментов е фаворит за неговиот потпис.

Реклама
Реклама
Реклама

Популарни