Интер се ослободи од својот аргентински талент, но ги задржа правата да го врати во иднина (Фото)

Валентин Карбони е суперталентиран аргентински фудбалер кој беше дел од последното издание на Копа Америка, односно доби место во тимот на селекторот Лионел Скалони.

19-годишниот офанзивен фудбалер допрва треба да се изгради и да се етаблира во елитен фудбалер, а бидејќи таква шанса нема да добие во Интер, италијанскиот првак сега реши да го прати на заем во Марсеј.

Интер денеска официјално соопшти дека Карбони ќе игра на позајмица во Марсеј во наредните 10 месеци, по што францускиот клуб ќе може да го откупи за 36 милиони евра.

Сепак, Интер јасно става до знаење дека нема така лесно да се откаже од големиот талент, бидејќи во договорот е вклучена клаузула и повторен откуп за 40 милиони евра.

Валентин има блескава иднина пред себе и за очекување е да блесне во Марсеј, па доколку се случи такво нешто, ќе се остварат прогнозите на Лео Меси кој пред само два месеци имаше убави зборови за младиот фудбалер.

Меси го одобри големиот талент на Интер: Поседува неверојатен квалитет