Интер сака да ангажира уште еден член на семејството Тирам

Интер влезе добро во оваа сезона во која има квалитетни резултати како во Серија А и Лигата на шампионите што секако е одлична вест за составот предводен од Симоне Инѕаги.

Меѓутоа во исто време мора да се гледа и за иднината, па така според информациите кои доаѓаат до Италија клубот од Милано мерка уште еден член на семејството Тирам. Интер веќе го има напаѓачот Маркус кој дојде како слободен фудбалер претходното лето, но за европскиот вицешампион интересен е и Хефрен кој го носи дресот на Ница.

Тој има 22 години, веќе дебитираше и за најдобрата француска селекција што доволно говори за неговиот квалитет, потенцијал. Тирам има договор до 2025 година и се верува дека Ница не би го продала за помалку од 25-30 милиони евра.

Исто така и Јувентус внимателно ги прати неговите настапи што значи дека Хефрен може во блиска иднина да ги повтори стапките на неговиот брат и татко (Лилијан) и да заигра на Апенините, Серија А.