Интер рутински до четвртфинале и дуел со Лацио во Купот на Италија (ВИДЕО)

Интер без проблеми обезбеди билет за Топ 8 фазата на Купот на Италија, натпреварување во кое вечерва рутински се справи со составот на Удинезе.

Иако тренерот Симоне Инѕаги ги измеша картите тоа не беше проблем за „нероаѕурите“ да слават на „Џузепе Меаца“ со 2-0. Домаќините сите прашања околу победникот ги решија во првиот дел во кој прво Арнаутовиќ реализираше на асистенција на Тареми, а потоа дојде и најубавиот момент на средбата кога Аслани погоди директно од корнер.

Во второто полувреме италијанскиот шампион имаше и статива преку Тареми.

Клубот од Милано во наредната фаза ќе се соочи со Лацио во Рим, тим кого пред неколку дена го понижи со 6-0 на „Олимпико“.