Интер остана без првотимец за наредните неколку недели

Интер и Симоне Инѕаги се пред императив да испорачаат позитивна серија во домашното првенство, но наредниов период нема да сметаат на важен првотимец.

Се работи за голманот Јан Зомер, кој заработил фрактура на палецот на десната рака и сега мора да мирува неколку недели.

Интер потврдил дека скршеницата е потврдена со деталните прегледи направени вчера, па лекарскиот тим деновиве ќе го одреди текот на рехабилитација на швајцарскиот голман.

Зомер беше стартер за Интер на сите натпревари во домашното првенство и Лигата на шампионите и јасно е дека има големо значење за екипата, па Инѕаги ќе мора да се надева дека првата алтернатива ќе испорача соодветни партии.

Актуелниот италијански шампион во сабота ја пречекува Џенова, а ќе биде без Зомер и наредното коло, во големото дерби со Наполи. Очекувањата се дека ќе го пропушти и првиот дуел од осминафиналето во Лигата на шампионите.