Интер Мајами очекува Меси да биде „десетка“ во тимот на отворањето на новиот стадион во 2026 година

Амбициозниот проект на Интер Мајами вклучува и нов стадион кој треба да биде отворен во 2026 година, а раководството на клубот очекува Лионел Меси да биде прва ѕвезда на клубот и во тој период.

Договорот на Аргентинецот со клубот од МЛС завршува по крајот на сезоната во 2025 година, но косопственикот Хорхе Мас истакнал дека е убеден во останувањето на Меси и по тој период.

– Меси има договор до 2025 година, но јас и тој ќе седнеме и ќе разговараме за иднината.

– Ќе повторам нешто што веќе сум го кажал, очекувам тој да биде нашата „десетка“ на отворањето на сезоната во 2026 година, кога ќе играме и на нов стадион, – рекол Мас.

Меси постави неколку рекорди во сезоната во која Интер Мајами го заврши регуларниот дел од сезоната со рекорден број поени, но неговиот тим беше елиминиран во првото коло на МЛС плејофот.