Интер Мајами не е ист без Меси: Лео гледаше од трибините како неговиот тим губи во финалето (Видео)

Интер Мајами не е ист тим без Лионел Меси во стартните 11, а во тоа можевме да се увериме и рано утрово на финалето кое се играше на Ју-Ес Опен купот.

Аргентинецот беше творец на трофејот кој го освои Интер Мајами во американскиот Лига Куп, но сега поради повреда не можеше да му помогне на својот тим, и покрај тоа што одредени медиуми пишуваа дека ќе ризикува и ќе излезе на терен.

Меси беше сместен само во вип ложата и во друштво на својот син го гледаше мечот, кој на крајот заврши со заслужена победа на Хјустон од 2:1.

Од големите ѕвезди во составот на Тата Мартино, на теренот беше само Серхио Бускетс, бидејќи покрај Меси, поради повреда ова финале го пропушти и искусниот лев бек, Жорди Алба.

Хјустон поведе со 2:0 во првото полувреме со головите на Дорси и Баси, на стартот на вториот дел му беше поништен и трет гол, а на крајот почесен гол за Интер Мајами постигна Хосеф Мартинез.