Интер Мајами му подготви златен тепих и специјално шоу, Меси им вети нови трофеи на фановите (Видео)

Лионел Меси имаше уште една специјална ноќ во Мајами, каде неговиот актуелен клуб Интер Мајами му подготви посебна свеченост поради добиената рекордна осма „Златна топка“.

Аргентинецот претходно го освои првиот трофеј во МЛС клубот во интернационалниот Лига куп, а во својот говор на фановите им ветил уште многу трофеи наредниот период.

– Ќе продолжиме да уживаме заедно и да освојуваме трофеи. Се надевам дека ќе не поддржувате како што го правевте тоа изминатите месеци.

– Денеска сум сигурен, исто како што бев и на почетокот кога дојдов, следната сезона ќе биде многу подобра, – им порачал Меси на фановите, алудирајќи и на пласманот на Интер Мајами во МЛС, во сезоната во која екипата од Флорида не успеа да влезе во плејофот.

Меси има договор до 2025 година, а од следниот месец се очекува во Мајами да пристигне и неговиот добар познаник Луис Суарез.

Leo Messi presents the Ballon d’Or in front of Inter Miami’s fans 🏆 pic.twitter.com/NYM2aunk92

— B/R Football (@brfootball) November 11, 2023