Интер и „Најк“ изработија специјален дрес во чест на најголемиот фан – Валентино Роси (Видео)

Валентино Роси на 16-ти февруари наполни 46 години, а со цел на најдобар можен начин да се одбележи неговиот роденден, Интер и „Најк“ му приредија огромно изненадување.

Роси во текот на целата своја блескава кариера беше препознатлив по бројот 46, а како голем и познат интериста, сега ќе добие чест играчите од првиот тим да носат дрес кој е направен во негова чест.

Бидејќи бројот 46 е симбол за прославениот италијански мотоциклист, последниот роденден им послужи на Интер и „Најк“ како инспирација за едно специјално ремек-дело, а тоа е гостински дрес на кои има препознатливи симболи од „Докторот“.

Самиот Валентино не го криеше воодушевувањето од неколкумесечниот проект, од кој дел бил и тој при оформувањето на целосниот дизајн.

– Ќе биде голема чест тоа што играчите на мојот имилен тим ќе го носат овој дрес креиран од „Најк“ и Интер. Ова е остварување на сонот, ги споивме мојата страст за мотоциклизмот и мојот омилен тим. Ова исто така е доказ за двонасочната љубов меѓу мене и Интер, – изјави Роси.

Играчите на Интер премиерно ќе играат со овој дрес во сабота на натпреварот против Калјари кој се игра на „Џузепе Меаца“.

A special surprise for all the Nerazzurri out there! Forza Inter! ☀️🌙⚫️🔵 pic.twitter.com/OdAFrUQ1pk

— Valentino Rossi (@ValeYellow46) April 10, 2025

El Inter ha retocado ligeramente su segunda equipación para crear una 'edición especial Valentino Rossi'.

VR46 es uno de los hinchas más reconocidos del Inter. La usarán vs Cagliari. pic.twitter.com/ZkFnPNIzCe

— Irati Prat (@IratiPratSC) April 10, 2025