Интер го освои „Де Кујп“ и се приближи до четвртфиналето на ЛШ (Видео)

Италијанскиот шампион Интер оствари важна победа (0:2) на гостувањето кај Феенорд и сериозно се приближи до пласман во четвртфиналето на Лигата на шампионите.

Феенорд добро го започна натпреварот и солидно му парираше на фаворитот во овој двомеч, но Интер го потврди квалитетот откако без некоја посебна иницијатива успеа да поведе во 38. минута.

Барела убаво го пронајде Турам во шеснаесетникот на Феенорд, а францускиот репрезентативец реагираше одлично и успеа да ја испрати топката во мрежата на домаќините.

Гостите го зголемија водството во 50. минута, кога Лаутаро Мартинез најде начин да го совлада Веленројтер и да ги постави конечните 0:2.

Интер испушти можност да обезбеди и повисока предност, откако Зјелински не реализираше пенал во 65. минута, па реваншот ќе го дочека со два гола позитива.

Головите можете да ги видите ТУКА