Интер го осигура потписот на играчот кој со месеци го следеше Јунајтед (Фото)

Интер вчера го победи Ред Бул Лајпциг и запиша нова минимална победа во Лигата на шампиони, а неполни 24 часа подоца, навивачите на клубот од Милано добија нова убава вест.

Директорите на Интер уште во текот на летото најавија дека ќе се обидат да ги задржат сите најважни за последните успеси, па откако го направија тоа со нови договори за Инѕаги, Лаутаро и Барела, сега нов договор добива и Дензел Дамфрис.

Со оглед на тоа што му истекуваше договорот на крајот на оваа сезона, постоеше опасност Дамфрис да влезе во јануари како „барана роба“ на трансфер пазарот, но денешните случувања во Интер и дефинитивно исклучуваат вакво сценарио.

Манчестер Јунајтед трпеливо ја следеше ситуацијата со Дамфрис и беше заинтересиран за него уште минатово лето, но надежите дека ќе го добие како слободен агент и официјално згаснаа.

Холанѓанецот потпиша нов договор до 2028-ма година, а со тоа клубот му оддаде признанија за сите блескави изданија откако пристигна во Интер во 2021-ва година.

✍️🖤💙#ForzaInter #Dumfries2028 pic.twitter.com/k1IHP9DHQA

— Inter ⭐⭐ (@Inter) November 27, 2024