Интер договори уште едно засилување, вечерва пристигнува во Милано за медицински прегледи

Oд таборот на Интер во текот на денешниот ден го потврдија трансферот на германскиот репрезентативец Робин Госенс кој доаѓа како големо засилување во тимот на Симоне Инѕаги.

Левиот бек кој досега играше за Аталанта пристигна на „Меаца“ како позајмен фудбалер, а Интер ќе има задолжителна обврска да го откупи неговиот договор доколку бидат исполнети одредени услови.

Италијанските медиуми пренесуваат дека од Интер, уште утре ќе завршат нова трансфер зделка.

Имено, нов фудбалер на „нероаѕурите“ ќе биде Фелипе Каиседо кој ќе дојде од редовите на Џенова и ќе ја има улогата на резервен напаѓач во отсуство на повредениот Хоакин Кореа.

Еквадорецот ќе пристигне во Милано во следните часови и утре ќе ги помине неопходните медицински тестови пред и официјално да стави потпис на договор со актуелниот шампион на Италија.