Ињиго: Тешко ми беше да го „сварам“ ремито со Селта

Ињиго Мартинез се претвори во незаменлив член на стартната постава на Барселона, а како играч во кој целосно верува Ханси Флик, искусниот стопер смета дека во битката за титулата не смеат да се повторат падови како оној пред неколку дена.

Барселона водеше 0:2 до 84-та минута на гостувањето кај Селта Виго и на крајот успеа да остане без победа, па не чуди фактот што ремито од 2:2 не донесе никакво задоволство кај претставниците на првиот тим.

Жил Кунде ја презема одговорноста за катастрофалната грешка и самиот нагласи дека такво нешто не смее да си дозволи, а Ињиго сега призна дека се уште не е опоравен од саботниот натпревар.

– Навистина ми беше тешко да го „сварам“ ремито со Селта. Неколку тимски ситуации направија да загубиме два важни бода. Сите бевме бесни по натпреварот, не беше бесен само тренерот.

– Не треба да се вперува прстот, не треба да се бара вината кај никого. Сите како тим дозволивме да ни избега од раце голема победа и сега ќе мора да се носиме со тоа на натпреварите кои следат, – потенцира Мартинез.