Свет
Иниеста се расплака во Јапонија и најави потрага по нов клуб (Видео)
Андрес Иниеста е симбол за Барселона и во 2018-та година го напушти клубот кој најмногу го сака, но во тие моменти, реши да замине на една далечна авантура и да го претставува јапонскиот фудбал.
Дон Андрес пет години настапуваше за Висел Кобе и беше симбол за овој клуб, но оваа сезона се најде во втор план кај тренерот на првиот тим и тоа го принуди предвреме да стави крај на соработката.
Иниеста денеска на емотивна прес-конференција објави дека спогодбено се договорил со Висел Кобе да го раскинат договорот, но истовремено најави дека ова не е фудбалски крај и дека бара нов проект и друг клуб за да ја заврши кариерата на фудбалскиот терен.
– Пред пет години ја напуштив Барселона и ја донесов најдобрата одлука во мојот живот со тоа што дојдов во Висел Кобе. Сите мислевме дека ќе ја завршам кариерата тука, тоа беше желба на сите, но за жал тоа не може да се оствари.
– Приоритетите и плановите на тренерот се поинакви и морам да го прифатам тоа и да продолжам понатаму. Сакам да ја завршам мојата кариера играјќи на фудбалскиот терен. Сакам да продолжам да играм, сметам дека се уште можам и имам страст да го правам тоа. Ја затворам оваа етапа и ќе видиме какви опции ќе ми се отворат, – изјави Иниеста на пресот, на кој пушти и по некоја солза додека им се заблагодаруваше на сите во клубот за добриот пречек и незаборавниот престој изминативе пет години.
-
АТПпред 24 часа
Ѓоковиќ за следната етапа во кариерата: Не знам дали ми е потребен тренер
-
Шпанијапред 12 часа
Ладен како шприцер: Реакцијата на Касилјас по победничкиот гол на Белингам (Видео)
-
НБАпред 10 часа
НБА отвори истрага против браќата на Јокиќ, податоци собира и американската полиција (Видео)
-
Англијапред 22 часа
Двајца премиерлигашки фудбалери уапсени за силување
-
Англијапред 23 часа
Антони го објасни својот контроверзен потег на дуелот со Ковентри: Го бранев својот клуб
-
Англијапред 21 час
Аморим бил во Лондон, преговарал за преземање премиерлигашка екипа
-
Англијапред 11 часа
Млад фан на Челси ги посрамоти ѕвездите на Покетино со пораката на „Емирејтс“ (Фото)
-
Англијапред 8 часа
Покетино по историскиот потоп од Арсенал: Не е фер да се употреби тој термин за моите играчи