Инфантино најави дека системот за офсајд детекција може да дебитира во Катар

Претседателот на ФИФА, Џани Инфантино, денеска уште еднаш најави дека полуавтоматскиот систем за офсајд детекција може да дебитира на Светското првенство во Катар.

Напредната вештачка интелигенција овозможува брза детекција на недозволена позиција на напаѓачите на екипите, па станува јасно дека таа порано или подоцна ќе стане реалност на натпреварите.

– Го тестиравме системот на Светското клупско првенство и делуваше одлично.

– Задоволни сме од развојот, а конечната одлука ќе ја донесеме непосредно пред почетокот на СП во Катар, – изјавил Инфантино.

Задоволен од системот е и шефот на судиската комисија, Пјерлуиџи Колина, а тоа сигурно ќе важи и за судиите и во ВАР собата, бидејќи многу полесно и побрзо ќе биде утврдуван потенцијален офсајд.