Инѕаги за понудите од Англија: Не знаеме што носи иднината

Симоне Инѕаги сезонава ја брани титулата во Серија А со Интер, а ќе се обиде да го одведе својот тим и што подалеку во Лигата на шампионите.

Италијанскиот стручњак веќе одамна го привлекува вниманието и на премиерлигашите, а на последната прес-конференција зборувал на оваа тема поврзана со евентуален ангажман на островот.

– Во Англија се игра интересен фудбал и тој е предизвик за сите тренери.

– Не кријам дека имав можности изминативе години, дури уште кога бев тренер на Лацио. Но, тогаш бев среќен во Рим, сега сум среќен во Интер.

– Англискиот фудбал ми се допаѓа, за мене е интригантен, но во моментов работам во еден од најдобрите европски клубови.

– Како и да е, никој не знае што носи иднината, – рекол Инѕаги.