Инѕаги внимателен пред Сасуоло: Тоа е организиран тим, мораме да бидеме…

Интер сака да ја продолжи серијата на одлични резултати во Серија А, поточно да го задржи 100 процентниот учинок и по 6.коло, а за да се случи тоа ќе треба да го совлада Сасуоло.

Сасуоло е тим кој знае да биде опасен, незгоден и тоа го покажа на претходниот меч против Јувентус, па тренерот Симоне Инѕаги испрати предупредување до неговите играчи.

-Тие влегуваат во овој натпревар по победата над Јувентус и тоа благодарение на навистина добрата партија, имаат одличен тренер кој има добро организиран тим.

-Треба да бидеме одлучни додека сакаме да произведеме големи перформанси. Ние создаваме многу, тоа е факт. Тоа се случува долго време, вклучително и минатата сезона. Работиме многу не само со напаѓачите, туку и со сите играчи; Целта е да бидеме сè поодлучни кога ќе се приближиме до противничкиот шестанаесетник, -рече Симоне кој потоа говореше за одбраната на Интер која е најдобра во Италија.

-Бројките се важни, но целиот тим работи многу добро. Кога зборуваме за нашиот напад и одбрана, нашиот фокус треба да биде на целиот тим. Не само  на одбранбените играчи, туку и играчите од средниот ред и напаѓачите работат на најдобар можен начин, ние треба да продолжиме да растеме и во одбраната и во нападот притоа покажувајќи високо ниво на мотивација на секој тренинг, -заклучи стратегот.

Средбата се игра утре од 20:45 часот.