Инѕаги: Убавите спомени нема да ни ја донесат победата против Милан

Интер е голем фаворит во пресрет на градското дерби со Милан, но Симоне Инѕаги знае дека на ваков натпревар неговите фудбалери мора да се прикажат во најдобро светло за да ја остварат целта, односно да ги освојат трите бода.

Последните дерби пресметки му припаднаа на Интер, а тренерот вели дека секој натпревар е специфичен и мора да се добие на терен.

– Не смееме да размислуваме за претходните соочувања, тоа се убави спомени, но не можете да победите преку спомени.

– Милан одигра одлично против Венеција, а потоа загуби од Ливерпул, но искрено јас не се концентрирам толку на нив, туку на нашата игра и она што треба да го направиме утре.

– Имам неколку дилеми за составот и тие ќе бидат решени утре. Лаутаро имаше тешка година со многу настапи, па ако е подготвен, сигурно ќе биде стартер, – рекол Инѕаги коментирајќи ги прашањата на новинарите поврзани со Аргентинецот, кој не беше стартер против Манчестер Сити.