Инѕаги: Тим како Интер не смее да прима такви голови

Интер ги загуби првите бодови во Серија А и тоа на стартот на кампањата во пресметката со Џенова на „Луиџи Ферарис“.

Актуелниот шампион се мачеше, но до 95 минута имаше три бода во својот џеб кога домаќините преку Месијас дојдоа до вториот гол на средбата за конечни 2-2.

Тренерот Симоне Инѕаги не беше задоволен од целосната слика и порача дека тим како Интер не смее да прима такви голови.

-Има разочарување. Според мене момците одиграа сериозен, фокусиран натпревар. Имавме пристојно прво полувреме, каде создадовме многу и примивме несреќен гол. Потоа бевме добри во нашето закрепнување. Во второто полувреме бевме побавни во движењето на топката, а потоа во 84. минута стигнавме до голот за водство, но сепак не сум задоволен. По голот требаше подобро да управуваме со топката.

-Примањето на два такви гола прави да биде тешко да победуваме на натпреварите. Заслуга за Џенова, но ова е реми што не ни остава големо задоволство со оглед на тоа што го создадовме. Тим како нашиот, кој води во 84. минута, не треба да прима повеќе голови, особено на тој начин, -истакна Инѕаги.

Во второто коло Интер е домаќин на Лече,