Инѕаги со две принудни опции ќе го решава „проблемот Димарко“

Интер остана на врвот во Серија А по дербито со Наполи и успеа да го сочува првото место, но овој натпревар донесе еден нов проблем за Симоне Инѕаги, кој сега ќе мора принудно да го решава поради големиот број отсуства.

Стандардниот лев бек на Интер заработи мускулна повреда и ќе отсуствува неколку седмици, меѓутоа проблем плус за италијанскиот првак е тоа што е повреден и Карлос Аугусто.

Во најавата за мечот со Феенорд во Лигата на шампиони, Инѕаги најави дека ќе го решава проблемот со две принудни опции, а непосредно пред натпреварот ќе одлучи кој ќе игра како лев бек.

– Знаеме дека имаме потешкотии на специфичен дел од теренот. Димарко е многу важен за нас, но покрај него, ги немаме и Залевски, Карлос Аугусто и Дармијан.

– Веќе немаме играчи на таа бековска позиција, па најверојатно ќе одиме со Бастони или Ачерби. Еден од нив ќе игра како лев бек, но нашата цел нема да се промени. Ќе го дадеме најдоброто во обид да оствариме победа, – изјави Инѕаги.