Инѕаги посочи која е најголемата опасност за Интер во новата сезона: Шампионите имаа ист проблем…

Интер како бранител на трофејот ќе влезе во натпреварувачката 2024/2025 во Серија А, кампања во која секако целта е да се остане на самиот врв.

Конкуренција има, ама „нероаѕурите“ дефинитивно се први фаворити за Скудетото, меѓутоа тоа ќе мора да го потврдат на терените и низ натпреварите. Тренерот Симоне Инѕаги е свесен за мисијата која ја имаат, па воден од искуството посочи што неговиот тим мора да избегне ако сака да биде конкурентен за освојување нова титула.

-Ја знаеме нашата одговорност оваа сезона. По освојувањето на втората ѕвезда, мора да ја подобриме нашата посветеност. Бранителот на титулата имаше некои проблеми во последните неколку сезони, а ние мора да го избегнеме истото, па затоа инсистирам на посветеност и фокусираност.

-Тимот е речиси ист. Потпишавме тројца играчи на кои не им треба презентација и кои ќе ни помогнат во ротациите, -рече Инѕаги кој проговори и за конкурентите.

-Сите тимови стануваат посилни. Сите мои колеги ќе се стремат кон титулата, без разлика дали тоа ќе го признаат или не, -порача стратегот.