Инѕаги по првиот пораз на Интер во ЛШ: Не бевме доволно добри, не го покажавме…

Интер го претрпе првиот пораз во групната фаза на Лигата на шампионите и тоа на гостувањето во Германија кај Баер Леверкузен.

Калчолигашот беше на добар пат да не прими гол и на шести меч во низа во елитното натпреварување, но по една мешаница во 90 минута домаќините преку Мукуеле стрелаа за славје од 1-0.

-Јасно е дека ова не беше еден од нашите најдобри натпревари, тоа е очигледно. Се соочивме против квалитетен противник, тие ја погодија гредата во првите 15 минути и потоа ја презедоа контролата врз играта. Можеби тие го контролираа премногу и можевме да бидеме малку похрабри. Ни недостигаше квалитет во последната третина, што обично е една од нашите силни страни. Разочарувачки е вака да се изгуби, бидејќи го загубиме нашиот непобедлив рекорд, но тоа не го нарушува она што го направивме во последните четири месеци.

-Веројатно и по утрешните резултати ќе бидеме меѓу осумте најдобри, а потоа нашата судбина е во наши раце со преостанатите два натпревари. Жалиме што примивме гол на тој начин. Се согласувам дека не направивме доволно, иако исто така не ризикувавме многу во одбраната. Кога почнавме да ја движиме топката во првото полувреме, имавме чувство дека се мачат со нас во посед. Не го покажавме вообичаениот квалитет оваа вечер, -истакна тренерот Симоне Инѕаги.

-Со позитивен резултат ќе го држевме Баер Леверкузен зад нас, но тие вечерва докажаа дека заслужуваат да бидат во топ тимовите. Сега треба да видиме што ќе се случи, но ќе размислуваме за тоа од јануари, бидејќи претходно ги имаме Серија А, Купот на Италија и Суперкупот на Италија. Играчите знаат дека тоа не беше нивната најдобра претстава, но ние ги почитуваме нашите противници,-заврши предводникот на италијанскиот шампион.