Инѕаги по неочекуваниот пораз на Интер: Знаевме дека ќе имаме проблеми со Емполи

Интер го совлада убедливо Милан во италијанскиот Суперкуп, но доживеа неочекуван пораз во домашното првенство од Емполи.

Синоќа, тимот на Симоне Инѕаги загуби на домашен терен во натпревар на кој Милан Шкринијар заработи црвен картон уште во првиот дел, а тренерот вели дека очекувал компликации.

– Очекував комплициран натпревар, овој пораз е голем удар по нашите амбиции сезонава. Тоа што останавме со десет фудбалери дополнително ни ја отежни работата.

– Во вториот дел избрзувавме во желбата да израмниме, а немавме ни среќа во одредени моменти.

– Го завршивме првиот дел со 37 поени и многу причини за жалење. Наполи има 13 бода предност што е навистина многу, очигледно е дека тие се на друго ниво, ние треба да се натпреваруваме со другите, – изјавил Инѕаги.