Инѕаги отпиша тројца играчи за утрешното дерби, но е среќен поради формата на Лукаку

Интер ќе се соочи со Фиорентина во првото коло по продолжението на Серија А, а тренерот Симоне Инѕаги денеска го најавил дуелот со информации поврзани со составот.

„Нероазурите“ мора да одат на позитивен резултат поради трите порази на последните четири натпревари, а најдобра вест за Инѕаги е добрата форма на Ромелу Лукаку.

– За жал го загубивме Чалханоглу, но тоа е ризикот кога се играат многу натпревари.

– Сигурно нема да сметаме и на Шкринијар, а најверојатно и Димарко нема да биде подготвен за утрешниот дуел.

– Го знаеме значењето на овие тројца фудбалери, но секојдневно го мониторираме нивниот напредок со лекарскиот тим и се надевам дека брзо ќе се вратат, – рекол тренерот на Интер.

– Бастони и Госенс почнаа да тренираат и допрва ќе носиме одлуки за нивниот настап, а фактот што Лукаку посигна толку голови за репрезентацијата оди во наш прилог. Очекувам добар натпревар пред нашите фанови, бидејќи победата ни е многу потребна, – истакнал Инѕаги.