Инѕаги откри дека има само една дилема за стартниот тим пред големото дерби со Јуве

Симоне Инѕаги во добра атмосфера го пречекува дербито против Јувентус поради серијата од пет победи во низа, но лоша вест за тренерот е тоа што нема да може да смета на својот клучен играч за врска.

Хакан Чалханоглу заработи повреда и нема да може да настапи на утрешното големо италијанско дерби кое ќе се одигра во Милано, па главна задача за Симоне ќе биде да го погоди системот, но и замената за турскиот репрезентативец.

– Сите знаете какво значење има Чалханоглу за нас, тој е играч од светска класа. Негова природна замена во нашиот тим е Аслани, тој носи гаранција на тоа место во средниот ред. Аслани е играч кој многу напредна во последно време, но има таква фудбалска несреќа што пред себе го има Хакан. Имаше проблем пред мечот со Рома, но тренираше добро во последно време и ќе треба да донесеме одлука пред мечот.

– Тој не е единствената наша опција, на местото на Чалханоглу може добро да одговорат и Барела и Зиелински. Ќе размислам добро до почетокот на утрешниот натпревар, тоа е мојата најголема дилема, – откри Инѕаги.

Дерби пресметката се игра утре во терминот од 18:00 часот, а за разлика од позитивната серија на Интер, Јувентус пристигнува на дербито по првиот пораз кој го претрпе во сезоната.