Инѕаги не вклучи едно летно засилување во списокот на Интер за настап во ЛШ

Симоне Инѕаги го комплетирал списокот со фудбалери кои ќе бидат пријавени за настап во главната фаза на Лигата на шампионите, а меѓу нив немаше место за последното летно засилување на италијанскиот шампион.

Тренерот решил да не го вклучи Томас Паласиос меѓу играчите со можност да играат во елитното европско натпреварување, а очекувано извиси и неговиот сонародник Хоакин Кореја, на кого Интер одамна му порача дека не е дел од проектот и треба да си најде нов клуб.

Она што е интересно е дека Интер го вметнал на списокот канадскиот репрезентативец Тејџон Буканан, кој заработи посериозна повреда и нема да се врати на терените пред декември.

Очигледно Инѕаги очекува Буканан да може да помогне во завршните натпревари од главната фаза, а такво нешто се очекува и од Тареми и Зјелински, кои пристигнаа во Интер летово.

Интер ќе ја започне европската сезона на 18. септември со тешко гостување кај Манчестер Сити.