Инѕаги: Издоминиравме против Наполи, постоеше само еден тим……

Интер се врати од негатива против Наполи и беше тимот кој напаѓаше победа на „Џузепе Меаца“, но на крајот италијанскиот шампион не успеа во тоа иако имаше и шанса од пенал.

Хакан Чалханоглу не успеа да постигне втор гол на дербито и натпрварот заврши 1:1, резултат од кој далеку позадоволни ќе бидат гостите од Неапол.

Симоне Инуаги како тренер на Интер имаше само честитки за своите фудбалери и покрај пропуштените шанси, посочувајќи дека Наполи не направил ништо освен среќниот гол од прекин кој го постигна во првиот дел.

– Му честитав на тимот по мечот, ако постоеше еден тим кој сакаше победа, тоа бевме ние. Во второто полувреме издоминиравме против Наполи. Примивме гол од прекин во несреќни околности, требаше да се одбраниме подобро, но ги задржавме главите високо исправени и не му дозволивме речиси ништо на Наполи.

– После се што направивме со Арсенал и после цела енергија која ја потрошивме, не очекував да бидеме волку импресивни. Обично повеќе се потпирам на играчите од клупата, но овојпат изгледавме толку добро на теренот, што не сакав да ги мешам работите. Двапати ја погодивме рамката од голот, промашивме пенал, не можам да барам повеќе од тоа. Можеби требаше подобро да ги користиме шансите, но не треба да се заборави дека имавме тешка недела со натпревар во Лигата на шампиони, – изјави Инѕаги.