Инѕаги: Го заслуживме финалето исто колку и Сити

Во сабота се спушта завесата за оваа сезона во Лигата на шампионите и тоа во Истанбул каде за трофејот ќе се борат Манчестер Сити и Интер.

Двете екипи имаа различен пат до овој завршен меч, „граѓаните“ имаа полесна групна фаза (Дортмунд, Севилја и ФК Копенхаген), но потоа во разигрувањето мораа да играа против РБ Лајпциг, Баерн Минхен и се уште актуелниот шампион Реал Мадрид.

„Нероаѕурите“ пак мораа да ја минат групата на смртта со Баерн и Барселона (плус Плзен), ама пак во разигрувањето имаа ривали кои севкупно, тимски се послаби од нив-Порто, Бенфика и Милан.

Останува да се види кој ќе има поголема среќа, знаење, умешност во турската престолнина, финале кое значи можност за двата тима да дојдат до третиот сезонски трофеј.

-Манчестер Сити сезонава освои два трофеи, но истото и Интер. Сити ќе игра против тим кој заслужува да биде во Истанбул исто како и тие, -порача тренерот Симоне Инѕаги.